American Idiot | |
---|---|
![]() | |
Datos | |
Tipu | álbum d'estudiu |
Distribución |
discu compautu, streaming de música (es) ![]() |
Álbum |
Green Day's albums in chronological order (en) ![]() |
Intérprete |
Green Day (mul) ![]() |
Idioma | inglés |
Xéneru | punk rock y Grunge |
Sellu discográficu | Reprise Records |
Lletrista | Billie Joe Armstrong |
Productor | Rob Cavallo |
Fecha publicación | 21 setiembre 2004 |
Duración | 3436 segundos |
![]() |
American Idiot ye'l séptimu álbum d'estudiu de la banda d'Estaos Xuníos de pop punk Green Day. L'álbum foi producíu por Rob Cavallo y foi llanzáu al mercáu'l 21 de setiembre de 2004 pol sellu Reprise Records. A mediaos de 2003, la banda empezó la grabación y producción de lo que diba ser el so séptimu álbum tituláu Cigarettes and Valentines. Sicasí les pistes fueron robaes y la banda decidió volver empezar de cero, en cuenta de volver grabar Cigarettes and Valentines.[1] Más tarde decidieron crear una ópera rock, inspirada principalmente nes obres de The Who y numberosos musicales. La historia del álbum cunta la vida de «Jesus of Suburbia», una especie de anti héroe creáu por Billie Joe Armstrong. Gran parte de los cantares del álbum traten sobre la oposición a l'alministración Bush, y tamién de la sociedá estauxunidense contemporánea. Tres la grabación temprana n'Oakland Studio 880, la banda terminó l'álbum en Los Angeles.
L'álbum de gran ésitu en tol mundu, tamién llogró entrar nes llistes de ventiséis países, siendo diez d'ellos númberu unu, incluyendo les del Reinu Xuníu y Estaos Xuníos. Dende'l so llanzamientu, American Idiot vendió más de 20 000 000 de copies en tol mundu, en xineru de 2012 yá vendiera más de 10 000 000 copies namái nos Estaos Xuníos. incluyendo 267 000 na so selmana d'apertura.[2][3][4][5] L'álbum ganó numberosos premios incluyendo un Grammy al meyor álbum de rock, y recibió aponderamientos de la mayor parte de la crítica.[6]